Musihkka

Ohcejoga searvegottes ii leat kántor. Ipmilbálvalusain musihkkas vástidit čuojaheaddjit, geat ožžot barggusteaset doaimmahusbálká, dahje doibmet ollásit eaktodáhtolaččat. Álo ii dilálašvuođaide leat vejolaš oažžut čuojaheaddji.

Ohcejoga searvegoddi fállá vejolašvuođaid eaktodáhtolaš čuojaheaddjiide, maiddái sidjiide, geat bohtet guhkkin. Mii eat sáhte máksit mátkegoluid, muhto mii fállat idjadeami searvegottedálu guosselánjas. Geassit dát idjadeapmi lea várrejuvvon Vuolggahusa Váffelgáhkkokafea eaktodáhtolaš bargiide. 

Searvegottes jurddašit rabas mielain máŋggalágan oktasašbargguid, konsearttaid ja musihkkadáhpáhusaid ordnemis. Searvegoddi ii mávsse bálkká, muhto jus prográmma lea girkui heivvolaš, de mii sávvat buresboahtin Ohcejoga girkui ja Gáregasnjárgga kapeallii. Dáid báikkiin ii váldojuvvo láigu, muhto konsearttaid ja musihkkadáhpáhusaid doallit sáhttet vuovdit prográmmaid dilálašvuođaide, jus hálidit. Girkui galgá leat goitotge friija sisaboahtin.

Mii sávvat sierralágan musihkka čehpiid fárrui riggodahttit searvegotte doaimmaid.