Hyppää sisältöön

Ohcejoga Báhppal

Ohcejogageaidnu 565 , 99980 Ohcejohka

Ohcejoga Báhppal

Ohcejoga báhppal lea Máttajávrre gáttis girku bálddas ja dat lea okta oassi Ohcejoga girkoduovdagis.

Báhppal ja dan šillju leat Musealágádusa suodjalusas. Báhppal lea C.L Engel (1778 – 1840) plánenbargu ja dat válmmaštuvai jagis 1843. Dat ovddasta empire-stiilla ja das lea okta geardi.

Báhppala šilljus leat návet, áittit, šilljostohpu, sávdni, muorravisti ja stálla. Boarráseamos hirsavisttit leat 1700-logus.  

Ohcejoga báhppal lea girkohearrá ruoktu ja báhppala geažis lea girkohearrá ja girkoverdde bargolatnja. Báhppala sále geavahit maiddái searvegotte čoahkkanemiide. Báhppala šilljus lea šilljostohpu, man geavahit gesiid áigge čoahkkananbáikkin. Maiddái báhppala šilljosávnni sáhttá geavahit searvegotte sávnnodaneahkediidda.

Báhppala šilljostohpui lea invastellet. Báhppala sálii ii leat easttahis sisabeassan, ráhpat leat gáržžit.

Pysäköinti
Vaativa pyörätuolireitti