Hyppää sisältöön

Ohcejoga hávdeeana

Ohcejoga hávdeeana

Utsjoentie 615, 99980 Ohcejohka

Ohcejoga hávdeeana lea váldon atnui 1930-logus ja dat lea maŋŋá viiddiduvvon. Hávdeeatnamis lea smávva liikavisti.

Hávdeeatnama čuovgabotkkon lea liikkavistti seainnis ja das sáhttá stellet dárbbašlaš áiggi čuovggaide.

Gesiid áigge čáži fidne sáves, mii lea liikkavistti seainni guoras. Bumpa giddejuvvo dálvviid áigái.

Luotnebáiki lea liikavistti bálddas ja das leat sierra lihtit seahkalas bázahusaide, komposta bázahusaide, lásaide, metállaide ja báhpáriide.

Hávdeeatnamis lea biillaid bisánanbáiki Ohcejoga geainnu guoras ja uhcit bisánanbáiki badjelabbos áibbas hávdeeatnama poartta lahka. Hávdeeatnama bálddas lea unna hivsset.

Eará sadjái hávdáduvvon olbmuid muitogeađgi lea hávdeeatnama bajit bisánanbáikkis geahčadettiin davábeale poartta bálddas. Muitogárdi lea hávdeeatnama davit poartta lahka.

Geassit 2019 gárvvásmuvai Ulrika kultur- ja jaskodanbálggis. Dát bálggis johtá Ohcejoga girkus boares hávdeeatnama guora dálá hávdeeatnamii ja dán várás ráhkaduvvui hávdeeatnama davimuš poarta. Dán bálgá sáhttá geavahit hávdádusain hávdái mieđušteami áigge. Searvegottis leat jorrit, maid sáhttá geavahit gisttu jođiheapmái.

Hávdeeatnamis vástida girkoverdde Juha Reinola.