Ipmilbálvalusat

Meassu dahje sániipmilbálvalus lea searvegotte olbmuid oktasaš bassebeivviid ávvuboddu. Dat bovde jaskkodit ja oažžut ođđa fámuid čuovvovaš vahkkui.
Meassu ii leat čájalmas muhto dábálaš kristtalaš olbmo vuoiŋŋalaš eallima dikšunbáiki. Das golmmaokt`laš Ipmil lahkona ja hálaha olbmo Biibbala teavsttaid, musihka, sártni ja eahkedaččaid bokte. Searvegoddi vástida Ipmila čuorvumii ja buorrevuhtii rohkosa ja oktasaš lávlaga bokte. 

Meassu ovddasrohkosis váldojuvvo vuhtii ovttat searvegotte olbmo eallindilli; ovddasrohkosa áigge gieskat gásttašuvvon mánát ožžot iežas namain čállojuvvon lastta gástamurrii, ja jápmán olbmuide cahkkehuvvojit gintalat. Maiddái searvegoddái guđđojuvvon ovddasrohkosiid beales rohkadallojuvvo. 

Meassu doaimmahuvvo dábálaččat Ohcejoga girkus, Gáregasnjárgga kapeallas dahje Njuorggáma skuvllas. Giđđadálvve čoahkkanit duottarmeassui duoddarii ja geassit sáhttit doaimmahit meassu Deatnogáttis. Nuvvosa rohkosviesus meassu doaimmahuvvo moatte geardde geasis.  Meassu álgá dábálaččat diibmu 11. 

Girkogáfestallan

Girkogáfestallan lea dehálaš oassi oktasaš ipmilbálvalusas. Girkogáfiid áigge deaivvadit oahppásiid ja lonuhit jurdagiid. Báikegoddái fárren olbmuide girkogáfestallan lea buorre vuohki oahpásmuvvat báikegotte olbmuide. 

Rohkosbottut dikšolágádusain

Searvegotte rohkosbottut dollojuvvojit Ássanbálvalusbáikkis Aspas,  Rabasbálvalanguovddážis, Avos ja Gáregasnjárgga bálvalandalus. Muhtun rohkosbottuid áigge doallat eahkedaččaid. Rohkosbottuid doaimmahit diakoniijabargi ja girkohearrá.