Báhppala historjá

1850-logus muitaluvvo, ahte ”báhppalis ledje golbma gámmára, sále ja gievkkan (köökki)”

Maŋŋá geahččái lasihuvvui vuollegot viiddiduvvon oassi. Viiddideami dahke ođđasit jagis 1980 ja das doaimmai searvegotte báhpakantuvra. Dálá áiggis báhpakántuvra lea oktasaš Anára searvegottiin ja dat doaibmá Avvilis.

Báhppala návet lea jagis 1840 ja dat lea ollášit restaurerejuvvon 1970-logus. Restaurerema maŋŋá návehis eai leat leamašan šibihat. Stohpogeallir lea gomu bollu hápmásaš geađgegeallir ja das lea maiddái dollasadji.

Rukses šilljostohpu, man lea gohčodan maiddái luhkkárstohpun, lea jagis 1925. Šilljostohpu lea doaibman maiddái rihppaskuvlalččaid oađđinsadjin ja skuvlaluohkkán, dalle go searvegotte rihppaskuvllat dollojuvvojedje girkostobuin ja báhppalis. Sávdni lea huksejuvvon jagis 1930. Šilljus leat guokte juolgeáitti. Nubbi dain lea jagis 1770. Guktuid áittiin leat sirdinmearkkat ja leage čielggas, ahte dat leat áiggiid mielde sirdojuvvon.