Hyppää sisältöön

Boađe fárrui!

Searvegoddi lea mii searvegotte olbmot, ja searvegoddi lea doppe, gos searvegotte olbmot leat. 

Boađe fárrui searvegotte doaimmaide ja dáhpáhusaidda. Dehálamos dáhpáhus leat juohke sotnabeaivve meassu. Meassu mii ávvudit Ohcejoga girkus, Gáregasnjárgga kapeallas ja Njuorggána rohkosvistis. Muhtumin meassu lea duoddaris dahje Deatnogáttis. Tuomasmeassu ja oktasaš nisttiiguin herskostallan (nyyttikestibrunssi) mii ávvudit Ohcejoga searvegoddedálus muhtun geardde jagis. 

Meassu maŋŋá lea girkogáfestallan. Dat lea báiki, gos sáhttá deaivvadit oahppásiid ja lonuhit jurdagiid. 

Mánáide, vuolleskuvlanuoraide ja nuoraide leat iežaset doaimmat. Boađe roahkkadit fárrui.